ચાસવડ ડેરીનાં ગોડાઉનમાંથી રૂપિયા ૫.૬૧ લાખના ઘીના ડબ્બા ચોરનાર સાતને ઝડપી પાડતી LCB ભરૂચ:

શ્રોત: ગ્રામિણ ટુડે ન્યુઝ 24×7 વેબ પોર્ટલ

ચાસવડ ડેરીનાં ગોડાઉનમાંથી રૂપિયા ૫.૬૧ લાખના ઘીના ડબ્બા ચોરનાર સાતને ઝડપી પાડતી LCB ભરૂચ:

સમગ્ર પ્રકરણમાં ચોરેલું ઘી લેનાર નેત્રંગનો આધેડ વેપારી પણ ઝડપાયો;

સર્જન વસાવા, નેત્રંગ: નેત્રંગ તાલુકાના ચાસવડ ખાતે આવેલ ડેરીનાં ગોડાઉન માંથી રૂપિયા ૫.૬૧ લાખના શુદ્ધ ઘીના ડબ્બા ચોરી જવાના પ્રકરણમાં ભરૂચ LCB ટીમે આરોપીઓની ધરપકડ કરી છે. સમગ્ર પ્રકરણમાં ચોરેલું ઘી લેનાર નેત્રંગનો આધેડ એક વેપારી પણ ઝડપાયો હતો.

ભરૂચ જિલ્લાની ચાસવડ ડેરીનાં ગોડાઉનમાં પતરાનાં સ્ક્રુ કાઢીને તસ્કરો ૫.૬૧ લાખનું ૯૩૫ કિલો ઘી ચોરી ગયા હતા. આ ઘટનામાં ભરૂચ LCBને બાતમી મળી હતી, કે નેત્રંગ તાલુકાના ઝરણા અને ભેંસખેતર તેમજ વાલિયા તાલુકાના ડુંગરી ગામનાં આરોપીઓ આ ચોરીમાં સંડોવાયેલા છે. પોલીસે બાતમીના આધારે ઝરણાનો કિરણ રણજીતભાઈ વસાવા (ઉ.વ.૨૨), ભેંસખેતર, તા.નેત્રંગ જી.ભરૂચ ગામના ત્રણ પૈકી કિશન મહેશભાઈ વસાવા (ઉ.વ.૨૭), અજય જગદીશભાઈ વસાવા (ઉ.વ.૩૦), જગદીશ રામાભાઈ વસાવા (ઉ.વ.૫૯), કામલીયાના જતીન નાનુભાઈ વસાવા (ઉ.વ.૨૩), વાલિયા તાલુકાના ડુંગરી ગામનો પ્રહલાદ છનાભાઈ વસાવા (ઉ.વ.૨૧) અને ચોરીનું ઘી લેનાર અને નેત્રંગ ચાર રસ્તા ગાંધી પ્રોવિઝનના વેપારી ગોપાલભાઈ શંકરભાઈ ગાંધી (ઉ.વ.૭૦)ને ઝડપી પાડયા હતા.

ઝડપાયેલો આરોપી કિરણ રણજીતભાઈ વસાવાની પોલીસે સઘન પુછપરછમાં બોલાવતા ભાંગી પડયો હતો અને જણાવ્યું હતુ કે પોતે, ભેંસખેતરનો (વોન્ટેડ) રાજેન્દ્ર જગદીશભાઈ વસાવા, જતીન વસાવા, અજય વસાવા અને જગદીશ વસાવાએ ભેગા થઈને ચાસવડ ડેરીના ગોડાઉનમાં પડેલા ઘીના ડબ્બાની ચોરી કરી હતી. અને આ ચોરીનું ઘી પ્રહલાદ વસાવા અને કિશન વસાવાને વેચવા માટે આપતા હતા. જે બજારમાં અલગ અલગ દુકાને વેચીને તેમાંથી મળતા રૂપિયા સરખા ભાગે વહેચી લેતા હતા. થોડા સમયમાં ઘીના ડબ્બા આપવા જતા દુકાનવાળા બીલની માંગણી કરતા હતા. જેથી નેત્રંગ બજારમાં ગાંધી પ્રોવિઝન દુકાનના વેપારી ગોપાલભાઇ શંકરભાઈ ગાંધી વેચવા માટે આપતા તેઓએ બીલ માગ્યું નહિ. અને ચોરી કરેલું ઘી મળતા અવાર નવાર ચાસવડ ડેરીમાં ચોરાયેલું ઘી ગાંધી પ્રોવિઝન દુકાનમાં વેચાતું આપી હોવાની કેફિયત રજુ કરી હતી. ભરૂચ LCBએ ૮ આરોપી પૈકી વેપારી સહીત ૭ આરોપીને ઝડપીને અંકલેશ્વર બી ડીવીઝન પોલીસને તપાસ સોંપી હતી.