આહવા પીએમશ્રી એકલવ્ય મોડેલ રેસિડેન્શિયલ શાળાના વિદ્યાર્થીએ અમદાવાદ ખાતે યોજાયેલ વિજ્ઞાન પ્રદર્શનમાં તૃત્રીય ક્રમાંક મેળવ્યો:
શ્રોત: ગ્રામીણ ટુડે ન્યુઝ, 24×7 વેબ પોર્ટલ
આહવા પીએમશ્રી એકલવ્ય મોડેલ રેસિડેન્શિયલ શાળાના વિદ્યાર્થીએ અમદાવાદ ખાતે યોજાયેલ વિજ્ઞાન પ્રદર્શનમાં તૃત્રીય ક્રમાંક મેળવ્યો:
દિનકર બંગાળ, ડાંગ : તાજેતરમાં તારીખ ૨૩ ઓગસ્ટ ૨૦૨૫ ના રોજ અમદાવાદ સાયન્સ સીટી ખાતે ‘સ્પેસ ડે ૨૦૨૫’ ની ઉજવણીના ભાગ રૂપે વિજ્ઞાન પ્રદર્શન યોજાવામાં આવ્યું હતું.
આ પ્રદર્શનમાં આહવા પીએમશ્રી એકલવ્ય મોડેલ રેસિડેન્શિયલ શાળાના આચાર્યા સુશ્રી સોનલ આર.મેકવાન અને ગણિત- વિજ્ઞાન શિક્ષક શ્રી ભાવેશકુમાર જી. લાડના માર્ગદર્શન હેઠળ ધોરણ ૧૧ વિજ્ઞાન પ્રવાહમાં અભ્યાસ કરતો વિદ્યાર્થી ગામીત આર્યન એસ. એ વિજ્ઞાન પ્રદર્શનમાં સેટેલાઈટનું મોડેલ મૂકી ભાગ લીધો હતો.
અમદાવાદ સાયન્સ સીટીનાં Science Domeમાં વિજ્ઞાન પ્રદર્શનમાં ગણિત શાસ્ત્રી શ્રી ચન્દ્રમૌલીસર તેમજ ISROમાંથી વૈજ્ઞાનિકો ઉપસ્થિત રહ્યા હતા. જેઓની અધ્યક્ષતામાં ઉચ્ચતર માધ્યમિક કક્ષાએ ચંદ્રયાન-૩ના સેટેલાઈટનું મોડેલ લઇ આહવા પીએમશ્રી એકલવ્ય મોડેલ રેસિડેન્શિયલ શાળાએ ભાગ લીધો હતો. આ પ્રદર્શનમાં ઉચ્ચત્તર માધ્યમિક કક્ષાની કુલ આઠ જેટલી કૃતિઓ હતી. જેમાંથી આહવા પીએમશ્રી એકલવ્ય મોડેલ રેસિડેન્શિયલ શાળાને ત્રીજો ક્રમાંક પ્રાપ્ત થયો હતો.
