જુના નેત્રંગ પ્રાથમિક શાળામાં જિલ્લા નિરીક્ષકશ્રી ધર્મેશભાઈ પટેલનાં હસ્તે નાના ભૂલકાઓને પ્રવેશ અપાયો:
શ્રોત: ગ્રામીણ ટુડે ન્યુઝ, 24×7 વેબ પોર્ટલ
જુના નેત્રંગ પ્રાથમિક શાળામાં જિલ્લા નિરીક્ષકશ્રી ધર્મેશભાઈ પટેલનાં હસ્તે નાના ભૂલકાઓને પ્રવેશ અપાયો:
સર્જન વસાવા,નેત્રંગ : પ્રાથમિક શાળા જૂના નેત્રંગ ખાતે કન્યા કેળવણી મહોત્સવ અને શાળા પ્રવેશોત્સવ કાર્યક્રમની ભવ્યાતિભવ્ય ઉજવણી આચાર્યશ્રી પ્રજ્ઞાબહેન ગુરજીભાઈ વસાવાનાં માર્ગદર્શન હેઠળ સ્ટાફ ગણના ટીમ વર્કથી કરવામાં આવી હતી. જિલ્લા નિરીક્ષક શ્રી ધર્મેશભાઈ પટેલ અને સ્પેશિયલ એજયુકેટરશ્રી કિર્તીભાઇ ચૌધરીના અધ્યક્ષપણા હેઠળ આ કાર્યક્રમ યોજાયો હતો. કાર્યક્રમમાં આંગણવાડીનાં 10 અને બાલવાટિકાનાં 22 તેમજ ધોરણ 1 નાં 2 બાળકોને શૈક્ષણિક કીટ સાથે પ્રવેશ આપવામાં આવ્યો હતો.
કાર્યક્રમમાં શાળાને લોકભાગીદારી આપનાર છ દાતાઓનું તેમજ તેજસ્વી વિદ્યાર્થીઓનું સન્માન કરવામાં આવ્યું હતું. આ સાથે જ શાળા પરિવાર વતી બાળકોને તિથિ ભોજન પણ કરાવવામાં આવ્યું હતું. સમગ્ર કાર્યક્રમનું સફળ સંચાલન શાળાના ધો.8 નાં કુમાર તેમજ કન્યા દ્વારા કરવામાં આવ્યું હતું. કાર્યક્રમમાં બાળકો દ્વારા સ્વાસ્થ્ય અને પર્યાવરણ બચાવો અંતર્ગત વક્તવ્ય રજૂ કરવામાં આવ્યું હતું ધર્મેશભાઈ પટેલ દ્વારા તમામને માર્ગદર્શન આપવામાં આવ્યું હતું.
આ પ્રસંગે SRF FOUNDATION, નન્હી કલી NGO, નિવૃત્ત શિક્ષકશ્રી,તમામ SMC સભ્યો, ગ્રામ પંચાયત સભ્યો, તાલુકા જિલ્લા સદસ્યો દરેકે હાજરી નોંધાવી આ કાર્યક્રમની શોભા વધારી હતી. અંતે મહાનુભાવો દ્વારા વૃક્ષારોપણ કરી મા ધરાને હરિયાળી રાખવાના સંકલ્પ સાથે કાર્યક્રમની પૂર્ણાહુતિ કરવામાં આવી હતી.
