શ્રોત: ગ્રામીણ ટુડે ન્યુઝ, 24×7 વેબ પોર્ટલ
ડાંગ જિલ્લા કલેક્ટર કચેરી ખાતે સાયબર સિક્યોરિટી અવરનેસ કાર્યક્રમ યોજાયો:
દિનકર બંગાળ, ડાંગ : ડાંગ કલેક્ટર કચેરી ખાતે વિજ્ઞાન અને પ્રૌદ્યોગિકી વિભાગના નિયામક ICT અને ઈ-ગવર્નન્સ દ્વારા સરકારી કર્મચારીઓ અધિકારીઓ માટે સાયબર સિક્યોરિટી અંગે અવેરનેસ સેશનનું આયોજન કરવામાં આવ્યું હતું.
આ સેશનમાં સાયબર સિક્યોરિટી વિશે સમજણ, સાયબર એટેકના વિવિધ પ્રકારો, સાયબર થ્રેટ્સ અને થ્રેટ્સના સ્રોતો વિશે વિસ્તૃત માહિતી આપવામાં આવી હતી. આ ઉપરાંત, આ પ્રકારના એટેકથી બચવા માટેનાં ઉપાયો, જેમ કે ડેસ્કટોપ સુરક્ષા, ઈમેઇલ સુરક્ષા અને પાસવર્ડ સુરક્ષા સહિતના મુદ્દાઓને પણ ચર્ચવામાં આવ્યા હતા. સત્રમાં IT Act અને DPDPA (ડિજિટલ વ્યક્તિગત ડેટા સુરક્ષા અધિનિયમ) અંગે પણ મહત્વની માહિતી આપવામાં આવી હતી.
આ સત્રનું સંચાલન હાર્દિક નારિયા ICT officer SOC, DIT દ્વારા કરવામાં આવ્યું અને સંજય ભાભોર મદદનીશ નિયામક અને ડૉ દેવેન પંડ્યા નાયબ નિયામક ના માર્ગદર્શન હેઠળ કરવામાં આવ્યું હતું.
