ડેડીયાપાડા ખાતે પોલીસ અધિક્ષકશ્રી નર્મદાઓના અધ્યક્ષ સ્થાને લોક સંવાદ કાર્યક્રમ યોજાયો:

શ્રોત: ગ્રામિણ ટુડે ન્યુઝ 24×7 વેબ પોર્ટલ

ડેડીયાપાડા ખાતે પોલીસ અધિક્ષકશ્રી નર્મદાઓના અધ્યક્ષ સ્થાને લોક સંવાદ કાર્યક્રમ યોજાયો:

નર્મદા પોલીસ અને ARTO દ્વારા આયોજિત સેમિનારમાં લાયસન્સ કઢાવવા ડેડીયાપાડા- સાગબારાના ગ્રામ્ય વિસ્તારોમાંથી હજારોની સંખ્યામાં લોકો ઉમટ્યા:

સેન્ટ ઝેવિયર્સ હાઇસ્કૂલના કમ્પાઉન્ડમાં નર્મદા પોલીસ દ્વારા લાઇસન્સ કઢાવવા માટે સેમિનારનું આયોજન કરતાં હજારો યુવાનોને રાહત:

સર્જન વસાવા, ડેડીયાપાડા: નર્મદા જિલ્લામાં ટ્રાફિક સલામતી અભિયાન અંતર્ગત તા.14,ફેબ્રુઆરી,2025 ને શુક્રવારના રોજ ડેડીયાપાડાના સેન્ટ ઝેવિયર્સ હાઇસ્કૂલ ના કમ્પાઉન્ડમાં પોલીસ અધિક્ષકશ્રી નર્મદાઓના અધ્યક્ષ સ્થાને લોક સંવાદનો કાર્યક્રમ યોજાયો હતો.

ડેડીયાપાડા ખાતે નર્મદા પોલીસ અને RTO દ્વારા યોજાયેલ સંવાદમાં નર્મદા જિલ્લા પોલીસ દ્વારા માર્ગ સલામતી મહિના અંતર્ગત એક મહત્વપૂર્ણ પહેલ કરવામાં આવી છે, જેમાં નર્મદા પોલીસ અને RTO ના અધિકાર સાથે મળીને ડ્રાઈવિંગ લાઈસન્સ માટે સેમિનારનું આયોજન કર્યું હતું. અને આ પહેલનો મુખ્ય ઉદ્દેશ માર્ગ અકસ્માતમાં લાઇસન્સ વગરના વાહન ચાલકોને થતાં નુકશાનને રોકવાનો છે. જેથી આ સેમિનારમાં ડેડીયાપાડા અને સાગબારા તાલુકાના ગ્રામ્ય વિસ્તારોમાંથી હજારોની સંખ્યામાં લોકોએ લાભ લીધો હતો.

આ સેમિનારમાં નર્મદા પોલીસ અધિક્ષકશ્રી પ્રશાંત શુંભે, ASP શ્રી લોકેશ યાદવ, ARTO એન.આર.પંચાલ, LCB પીઆઈ આર.જી.ચૌધરી સહિત અનેક પોલીસ અધિકારીશ્રીઓ, ટ્રાફિક પોલીસના જવાનો અને ARTO ના અધિકારીઓ સહિત મોટી સંખ્યામાં લોકો ઉપસ્થિત રહ્યા હતા.