મકરસંક્રાંતિ નિમિત્તે બાળકોને પૂર્વ જિલ્લા પંચાયત પ્રમુખ શ્રીમતી પર્યુષાબેન દ્વારા પતંગ-ફીરકી અને લાડુનું વિતરણ:
શ્રોત: ગ્રામીણ ટુડે ન્યુઝ, 24X7 વેબ પોર્ટલ
મકરસંક્રાંતિ નિમિત્તે બાળકોને પૂર્વ જિલ્લા પંચાયત પ્રમુખ શ્રીમતી પર્યુષાબેન દ્વારા પતંગ-ફીરકી અને લાડુનું વિતરણ:
ખોડાઆંબા ગામે બાળકોને પતંગ, દોરી તેમજ લાડુ નું વિતરણ કરાતા બાળકોમાં ભારે ખુશી જોવા મળી:
સર્જન વસાવા, નર્મદા: દેડીયાપાડા તાલુકાના ખોડાઆંબા ગામે પૂર્વ નર્મદા જિલ્લા પંચાયત પ્રમુખ શ્રીમતી પર્યુષાબેન વસાવા દ્વારા ગરીબ બાળકો પણ આનંદથી તહેવાર ઉજવી શકે તે આશય સાથે પતંગ, દોરી તેમજ તલનાં લાડું નું વિતરણ કરવામાં આવ્યું હતું. ત્યારે જે આનંદ લેવામાં નથી મળતો તે આપવામાં જરૂર મળે છે. અને જરૂરિયાતમંદોને મદદ એ જ તહેવારોની મજા છે.
આપણા દેશમાં અનેક તહેવારો ઉજવાય છે. દિવાળી, હોળી પરંતુ બધા તહેવારોમાં બાળકોનો પ્રિય તહેવાર એટલે મકરસંક્રાંતિ. ઉત્તરાયણ પૂર્વ તૈયારી ચારે બાજુ જોવા મળે છે. જ્યારે શ્રમજીવી પરીવાર નાં બાળકોને જમીન પર પડી ગયેલી પતંગો એકઠી કરતા જોયા હશે. ઘણા બાળકો પતંગ ખરીદી શકતા નથી. તેઓ જાનના જોખમે પતંગો એકઠી કરતા જોવા મળે છે. આવા બાળકો ઘણીવાર અકસ્માતનો ભોગ પણ બને છે. ત્યારે બાળકો ની ચિંતા કરી પૂર્વ નર્મદા જિલ્લા પંચાયત પ્રમુખ શ્રીમતી પર્યુષાબેન વસાવા પોતાના પરિવાર સાથે આવા બાળકોને તહેવારોની સાચી ખુશી અર્પણ કરે છે.
દેડીયાપાડા નાં ખોડાઆંબા ગામના બાળકો ઉત્તરાયણના દિવસે જ રંગબેરંગી સુંદર પતંગો ચગાવી શકે તે હેતુથી વિશેષ પતંગ, દોરીનું વિતરણ કરવામાં આવ્યું હતું. તેમજ સાથે તલનાં લાડુ નું પણ વિતરણ કરવામાં આવ્યું હતું.
