શ્રોત: ગ્રામીણ ટુડે ન્યુઝ, 24×7 વેબ પોર્ટલ
સોનુનીયા ગામે પ્રાકૃતિક કૃષિ અંગે કેમ્પસ તાલીમ યોજાઇ:
દિનકર બંગાળ,ડાંગ: નવસારી કૃષિ યુનિવર્સિટીના કુલપતિશ્રી ડૉ. ઝેડ. પી. પટેલ, વિસ્તરણ શિક્ષણ નિયામકશ્રી ડૉ. હેમંત શર્મા અને કે.વી.કે., વઘઈના વરિષ્ઠ વૈજ્ઞાનિક અને વડા, ડૉ. જે. બી. ડોબરીયાના માર્ગદર્શન હેઠળ ચાલતા કે.વી.કે., વઘઈ દ્વારા ડાંગ જિલ્લાના વઘઈ તાલુકાના સોનુનીયા ગામ ખાતે “A natural way of farming in Agroforestry system” (એગ્રોફોરેસ્ટ્રી સિસ્ટમમાં ખેતીની પ્રાકૃતિક રીત) અંગેની ઓફ કેમ્પસ તાલીમનું આયોજન કરવામાં આવ્યું હતું.
આ તાલીમ અંતર્ગત કૃષિ વિજ્ઞાન કેન્દ્ર, વઘઈ ખાતે ફરજ બજાવતા શ્રી ગૌરાંગ બી. પડસાળા, વૈજ્ઞાનીક (વિસ્તરણ શિક્ષણ) એ એગ્રોફોરેસ્ટ્રી સિસ્ટમમાં ખેતીની પ્રાકૃતિક રીતો વૃક્ષ-પંક્તિ ખેતી (Alley Cropping), વૃક્ષ-પશુપાલન (Silvo pasture) તેમજ એગ્રો-સિલ્વીકલ્ચર (Forest farming) અંગે ખૂબ જ મહત્વપૂર્ણ માર્ગદર્શન આપી ખેડૂતોને આ અંગે માહિતગાર કર્યા હતા.
આ ઉપરાંત I Khedut પોર્ટલ 2.O, પી એમ કિસાન સન્માન નિધિ યોજના તથા ખેડૂત અકસ્માત વીમા અંગેની ખુબજ જરૂરી માહિતી આપવામાં આવી હતી. આ કાર્યક્રમમાં ૩૦ જેટલા ખેડૂતો હાજર રહ્યાં હતાં.
