શ્રોત: ગ્રામિણ ટુડે ન્યુઝ, 24×7 વેબ પોર્ટલ
નોટબંધી બાદ દેશભરમાં કરન્સીને લઈને અનેક પ્રકારના સમાચારો સામે આવી રહ્યા છે. આજે અમે તમને નોટ સંબંધિત એક મોટું અપડેટ જણાવવા જઈ રહ્યા છીએ. રિઝર્વ બેંક ઓફ ઈન્ડિયા કરન્સીમાં મોટા ફેરફાર કરી શકે છે. જો તમે પણ તમારા ઘરમાં નોટો રાખો છો, તો તરત જ જાણી લો કે હવે કેવો ફેરફાર થઈ શકે છે.
માંગવામાં આવ્યા સૂચનો :
બોમ્બે હાઈકોર્ટ તરફથી દેશભરમાં ચલણમાં આવી રહેલી નોટોને લઈને મોટી વાત કહેવામાં આવી છે. કોર્ટે નિષ્ણાતોને દેશમાં દૃષ્ટિહીન લોકો માટે રૂપિયા અને સિક્કાને વધુ અનુકૂળ બનાવવાના ઉપાયો સૂચવવા કહ્યું છે. આવા સૂચન બાદ જ નવી પ્રકારની નોટો જારી કરી શકાશે.
પહેલા પણ કરવામાં આવ્યા છે ફેરફાર :
રિઝર્વ બેંક તરફથી પણ નોટમાં સ્પર્શને લગતા અગાઉ પણ ઘણા ફેરફારો કર્યા છે, જેથી દૃષ્ટિહીન લોકો સરળતાથી ઓળખી શકે અને રૂપિયા અથવા સિક્કા વચ્ચે તફાવત કરી શકે. નિષ્ણાતના સૂચન બાદ રૂપિયા કે સિક્કામાં ફેરફાર કરીને તેને દૃષ્ટિહીન લોકો માટે યોગ્ય બનાવવાનો પ્રયાસ કરવામાં આવે છે.
MANI App પણ થઈ અપડેટ :
આ સિવાય રિઝર્વ બેંક ઓફ ઈન્ડિયાએ પણ તાજેતરમાં MANI એપ અપડેટ કરી છે. હવે તમે તેમાં 11 ભાષાઓનો સપોર્ટ મેળવી શકો છો. અગાઉ તેમાં માત્ર હિન્દી અને અંગ્રેજી જ ઉપલબ્ધ હતું. હવે આ એપ ઉર્દુ, આસામી, બંગાળી, ગુજરાતી, કન્નડ, મલયાલમ, મરાઠી, ઉડિયા, પંજાબી, તમિલ અને તેલુગુ ભાષાઓમાં ઉપલબ્ધ થશે. તેમજ આ એપ સંપૂર્ણપણે ફ્રી હશે.
2020માં થઈ હતી લોન્ચ :
રિઝર્વ બેંકે વર્ષ 2020માં આ એપ લોન્ચ કરી હતી. તેનો હેતુ અંધ લોકોને નોટોને ઓળખવામાં પડતી મુશ્કેલીઓ દૂર કરવાનો હતો. આ એપની મદદથી કોઈપણ વ્યક્તિ સરળતાથી નોટોને ઓળખી શકે છે. વ્યક્તિના હાથમાં કઈ નોટ છે, આ એપ દ્વારા અવાજમાં સંભળાય છે. આવી સ્થિતિમાં અંધ લોકો ખૂબ જ સરળતાથી જાણી શકે છે કે તેમની પાસે કઈ નોટ છે.
