ભરૂચ નાયબ કલેકટરશ્રી પાર્થ જયસ્વાલના હસ્તે પી.એમ.શ્રી થવા બ્રાન્ચ પ્રાથમિક શાળા- બાલવાટિકાના ભુલકાંઓને શાળા પ્રવેશ કરાવાયો
શ્રોત: ગ્રામિણ ટુડે ન્યુઝ 24×7 વેબ પોર્ટલ
ભરૂચ નાયબ કલેકટરશ્રી પાર્થ જયસ્વાલના હસ્તે પી.એમ.શ્રી થવા બ્રાન્ચ પ્રાથમિક શાળા- બાલવાટિકાના ભુલકાંઓને શાળા પ્રવેશ કરાવાયો
નાયબ કલેકટરશ્રીએ બાળકોને સ્કૂલ બેગ, પુસ્તકો,નોટબુક સહિતની શૈક્ષણિક કીટ આપી પ્રોત્સાહિત કર્યા
સર્જન વસાવા, નેત્રંગ : ભરૂચના ખાસ જમીન સંપાદન અધિકારી, નાયબ કલેકટર શ્રી પાર્થ જયસ્વાલના હસ્તે નેત્રંગ તાલુકાની પી.એમ.શ્રી થવા બ્રાન્ચ પ્રાથમિક શાળા ખાતે કન્યા કેળવણી અને શાળા પ્રવશોત્સવ કાર્યક્રમ યોજાયો હતો. જેમાં બાલવાટિકામાં ૩૬ બાળકોને ખાસ જમીન સંપાદન અધિકારી, નાયબ કલેકટર શ્રી પાર્થ જયસ્વાલે બાળકોને સ્કૂલ બેગ, પુસ્તકો, નોટબુક સહિતની જરૂરી શૈક્ષણિક કીટ આપી શાળા પ્રવેશ કરાવ્યો હતો.
પી.એમ.શ્રી થવા બ્રાન્ચ પ્રાથમિક શાળાના બાળકો દ્વારા શરૂઆતમાં સુંદર સંગીતના વાદ્ય સાથે પ્રાર્થના કરવામાં આવી હતી. જેના દ્વારા સુંદર વાતાવરણ ઊભું થયું હતું જેના દ્વારા શાળા પ્રવેશોત્સવ કરાવવા આવેલ અધિકારીશ્રી ભરૂચના ખાસ જમીન સંપાદન અધિકારી, નાયબ કલેકટર શ્રી પાર્થ જયસ્વાલ પણ પ્રભાવિત થયા હતા અને શાળાના તેમજ શિક્ષકોના વખાણ કર્યા હતા.
ખાસ જમીન સંપાદન અધિકારી, નાયબ કલેકટર શ્રી પાર્થ જયસ્વાલ દ્વારા બાળકોને સુંદર શિક્ષણ બાબતે માર્ગદર્શન આપ્યું હતું. અને શાળામાં અનેક ક્ષેત્રે સિદ્ધિઓ મેળવનાર વિદ્યાર્થીઓનું વિશેષ સન્માન કરવામાં આવ્યું હતુ. તેમજ શાળા પ્રવેશોત્સવ બાદ વાલીઓ તેમજ SMC સભ્યો સાથે વિશેષ ચર્ચાઓ કરી હતી. તેમજ શાળાના કમ્પાઉન્ડમાં વૃક્ષારોપણ કરવામાં આવ્યું હતું. તેમજ શાળામાં આવેલ પ્રયોગશાળા, સ્માર્ટ ક્લાસ રૂમ, કમ્પ્યુટર લેબ, લાઇબ્રેરી સહિત શાળામાં આવેલ બાગ – બગીચાની મુલાકાત લીધી હતી.
આ પ્રસંગે ખાસ જમીન સંપાદન અધિકારી અને નાયબ કલેકટરશ્રી પાર્થ જયસ્વાલ, CRC નેત્રંગ લાયઝન અધિકારીશ્રી વિજયભાઈ એમ.વસાવા, થવા ગ્રામ પંચાયત સરપંચ શ્રીમતી સુશીલાબેન વસાવા, તલાટીકમ મંત્રીશ્રી, SMC સભ્યો, શાળાના આચાર્યશ્રી, શાળાના શિક્ષકો, તેમજ વિદ્યાર્થીઓના વાલીઓ ઉપસ્થિત રહ્યા હતા.
