તાપી જિલ્લામાં ૨૧થી ૨૭ સપ્ટેમ્બર સુધી કૃષિલક્ષી સહાય માટે આઈ ખેડૂત પોર્ટલ ખુલ્લું મુકાશે

શ્રોત: ગ્રામિણ ટુડે ન્યુઝ 24×7 વેબ પોર્ટલ

તાપી જિલ્લામાં ૨૧થી ૨૭ સપ્ટેમ્બર સુધી કૃષિલક્ષી સહાય માટે આઈ ખેડૂત પોર્ટલ ખુલ્લું મુકાશે

વ્યારા: તાપી જિલ્લાના ખેડૂતોએ ખેતીવાડી ખાતાની વિવિધ યોજનાઓના ઘટકો જેવા કે ખેત ઓજાર, એગ્રો સર્વિસ પ્રોવાઈડર, પાકમુલ્ય વૃદ્ધિ, ફાર્મ મશીનરી બેંક, મિલેટ પ્રોસેસિંગ યુનિટ, તાડપત્રી, પાક સંરક્ષણ સાધનો – પાવર સંચાલીત, પંપ સેટ્સ, સોલાર પાવર યુનિટ/કીટ, વોટર કેરીંગ પાઇપલાઈન અને રાઈડ ઓન સેલ્ફ પ્રોપેલ્ડ મલ્ટીપર્પઝ ટૂલબાર સનેડો માટે આઇ ખેડુત પોર્ટલ ( www.ikhedut.gujarat.gov.in. ) પર તા. ૨૧ સપ્ટેમ્બરથી ૨૭ સપ્ટેમ્બર સવારે ૧૦:૩૦ કલાકથી દિન-૭ માટે ઓનલાઈન અરજીઓ મેળવવા માટે ખુલ્લુ મુકવામાં આવશે. ખેતીવાડીની યોજના હેઠળ લાભ મેળવવા માંગતા હોય, તેવા ખેડૂત મિત્રોએ અરજી કરવા જિલ્લા ખેતીવાડી અધિકારી, તાપીની અખબારી યાદીમાં જણાવાયું છે.