જીલ્લા વિકાસ અધિકારીશ્રીની અધ્યક્ષતામાં જિલ્લા સંકલન અને ફરિયાદ નિવારણ સમિતિની બેઠક વ્યારા ખાતે યોજાઈ

શ્રોત: ગ્રામીણ ટુડે ન્યુઝ, 24×7 વેબ પોર્ટલ 

જીલ્લા વિકાસ અધિકારીશ્રીની અધ્યક્ષતામાં જિલ્લા સંકલન અને ફરિયાદ નિવારણ સમિતિની બેઠક વ્યારા ખાતે યોજાઈ

નકારાત્મક અખબારી અહેવાલો અંગે તાત્કાલિક તપાસ કરીને અહેવાલ રજૂ કરવા સૂચનો આપતા જીલ્લા વિકાસ અધિકારીશ્રી રામનિવાસ બુગાલીયા

વ્યારા:  તાપી જિલ્લા કલેક્ટર કચેરી, વ્યારા ખાતે જીલ્લા વિકાસ અધિકારીશ્રી રામનિવાસ બુગાલીયાની અધ્યક્ષતામાં જિલ્લા સંકલન અને ફરિયાદ નિવારણ સમિતિની બેઠક યોજાઈ હતી. જેમાં પડતર અરજીઓ, નિવૃત્ત કર્મચારીઓના પેન્શન કેસો,એજી ઓડિટ પારા, સરકારી નાણાંની વસુલાત, તકેદારી આયોગની અરજીઓ, ઇ-સરકાર પોર્ટલની અમલવારી અંગે તેમજ સાંસદ-ધારાસભ્યોની રજૂઆત જેવી મહત્વપૂર્ણ બાબતો અંગે વિસ્તૃત સમીક્ષા કરાઈ હતી.

બેઠકમાં જીલ્લા વિકાસ અધિકારીશ્રીએ સરકારી નાણાંની સમયસર વસુલાત સુનિશ્ચિત કરવા, સાંસદ-ધારાસભ્ય અને પદાધિકારીઓના પ્રશ્નોનો યોગ્ય અને સમયસર ઉકેલ કરવા, તેમજ નકારાત્મક અખબારી અહેવાલો અંગે તાત્કાલિક તપાસ કરીને અહેવાલ રજૂ કરવા સૂચનો આપ્યા હતા.

આ બેઠકમાં જિલ્લા પોલીસ અધિક્ષક શ્રી, નિવાસી અધિક કલેક્ટરશ્રી સહિત જિલ્લાના વિવિધ વિભાગોના અધિકારીશ્રીઓ ઉપસ્થિત રહ્યા હતા.