રાજ્યમાં દારૂબંધી અંગે કડક અમલવારી છતા ડાંગમાં દારૂબંધીનાં જાહેરનામુથી નાગરિકોમાં અચરજ :

શ્રોત: ગ્રામીણ ટુડે ન્યુઝ, 24×7 વેબ પોર્ટલ

રાજ્યમાં દારૂબંધી અંગે કડક અમલવારી છતા ડાંગમાં દારૂબંધીનાં જાહેરનામુથી નાગરિકોમાં અચરજ :

દિનકર બંગાળ, વઘઈ : ડાંગ જિલ્લામાં ગ્રામ પંચાયતોની ચૂંટણી દરમિયાન આગામી તા.૨૦/૦૬/૨૦૨૫ સાંજના ૫-૦૦ કલાકથી તા.૨૨/૦૬/૨૦૨૫ રાત્રીના ૭- ૦૦ કલાક ( જો પુનઃ મતદાન થાય તો પુનઃ મતદાનનો દિવસ પણ આવરી લઈ) દારૂ વેચાણ કરવા કે, પીરસવા પર પ્રતિબંધ ફરમાવતો જાહેરનામુ ડાંગ જિલ્લા મેજિસ્ટ્રેટ દ્વારા પ્રસિદ્ધ કરવામાં આવ્યો છે. હાલ જાહેરનામા બાબતે નાગરીકો આશ્ચર્યમાં મુકાયેલા જોવા મળી રહ્યા છે. જિલ્લામા દારૂબંધી અંગેના પ્રસિદ્ધ કરાયેલા જાહેરનામાની‌ ચર્ચાઓ પણ જિલ્લામા જોરશોરથી ચાલી રહી છે.

ઉલ્લેખનીય છે કે, ગતરોજના છાપાઓમાં ડાંગ જિલ્લામા ડ્રાય ડે એટલે કે, દારૂ વેચાણ કરવો અથવા પીરસવા પર પ્રતિબંધ અંગેનુ જાહેરનામુ જિલ્લા મેજિસ્ટ્રેટ દ્વારા પ્રસિદ્ધ કરાયાના સમાચાર નાગરિકોએ જાણતા નાગરીકોના ગળે વાત ન ઉતરી રહી હતી. અને તેવો અચરજ અનુભવી રહ્યા હતા. કે, માહાત્મા ગાંધીના ગુજરાતમાં દારૂ બંધી હોવા છતાં પણ રાજ્યના છેવાડે આવેલ ડાંગ જિલ્લામાં “ડ્રાય ડે” એટલે કે દારૂબંધી અંગેનો જિલ્લા મેજિસ્ટ્રેટ દ્વારા જાહેરનામું પ્રસિદ્ધ કરવામાં આવ્યું છે. ગુજરાતમાં દારૂબંધી નથી એટલે ડ્રાય ડે નું જાહેરનામું પ્રસિદ્ધ કરવામા આવ્યુ છે. તેવી મુઝવણ ભરી ચર્ચાઓ જિલ્લાના ખુણે-ખુણે આગની જેમ પ્રસરતી જોવા મળી રહી છે. અને રાજ્યમાં દારૂબંધીનો કડક અમલવારી છતા જિલ્લામા જાહેર કરેલ દારૂબંધી અંગેના જાહેરનામાની નાગરિકો ટીકા કરી રહ્યા છે.