વાંસદાના રિધમ મોહિતે ગરબા સ્પર્ધામાં ત્રીજો ક્રમ મેળવ્યો:

શ્રોત: ગ્રામિણ ટુડે ન્યુઝ, 24×7 વેબ પોર્ટલ

વાંસદાના રિધમ મોહિતે ગરબા સ્પર્ધામાં ત્રીજો ક્રમ મેળવ્યો:

ચીખલીમાં યોજાયેલી સેમી ટ્રેડિશનલ ગરબા કોમ્પિટિશનમાં શાનદાર પ્રદર્શન કર્યું.

કમલેશ ગાંવિત, વાંસદા: ચીખલીના સૌરાષ્ટ્ર પાટીદાર સમાજના હોલ ખાતે નટરાજ ડાન્સ સ્ટુડિયોએ સેમી ટ્રેડિશનલ ગરબા કોમ્પિટિશનનુ આયોજન કરવામાં આવ્યું હતુ.

આ સ્પર્ધામાં ચીખલી, બીલીમોરા, અમલસાડ, ગણદેવી, ડુંગરી, અનાવલ, ઉનાઈ અને વાંસદા જેવા વિસ્તારોમાંથી ૫ થી ૧૨ વર્ષના ઘણા બાળકોએ ઉત્સાહથી ભાગ લીધો હતો. બાળકોએ રંગબેરંગી વેશભૂષા અને ટ્રેડિશનલ કપડા પહેરીને અલગ અલગ સ્ટાઈલમાં રાસ ગરબા રજૂ કર્યા હતાં, બાળકો દ્વારા પ્રસ્તુત કલા કોશલ્યને જોઈ આખા હોલમાં બાળકોના ગરબાની રમઝટ થી ઉત્સવ જેવો માહોલ બની ગયો હતો.

આ સ્પર્ધામાં વાંસદાના રિધમ હિતેશ મોહિતે પોતાની ખાસ સ્ટાઈલ અને સુંદર ગરબા રજૂ કરીને બધાનું ધ્યાન ખેંચ્યું. આ સાથે જુદા જુદા વિસ્તારોમાંથી આવેલા સ્પર્ધકો વચ્ચે રિધમે સારું પ્રદર્શન કરીને ત્રીજો ક્રમ મેળવ્યો. રિધમ મોહિતેની આ જીત બદલ આયોજકોએ રિધમને શિલ્ડ અને રોકડ ઇનામ આપીને સન્માનિત કર્યો હતો.

વધુમાં રિધમ વાંસદા ખાતે રંગતાળી દાંડિયા ક્લાસ ચલાવતા કોમલબેન સોલંકી પાસેથી ગરબા શીખે છે તેમ ઉમેર્યું હતુ, ઘણા સ્પર્ધકો વચ્ચે રિધમે ત્રીજો ક્રમ મેળવતા તેના પરિવાર અને કોમલ સોલંકીના રંગતાળી ગરબા ગ્રૂપમાં ખુશી છવાઈ ગઈ હતી.