પોલીસે દારૂ-બિયરની બોટલ-ટીન સાથે ૫,૧૫,૪૦૦નો મુદ્દામાલ સહીત બે આરોપીઓને ઝડપી પાડ્યા:
શ્રોત: ગ્રામિણ ટુડે ન્યુઝ, 24×7 વેબ પોર્ટલ
પોલીસે દારૂ-બિયરની બોટલ-ટીન સાથે ૫,૧૫,૪૦૦નો મુદ્દામાલ સહીત બે આરોપીઓને ઝડપી પાડ્યા:
કમલેશ ગાંવિત, વાંસદા: પોલીસને ખાનગી બાતમીના આધારે ધરમપુર–વાંસદા રોડ પરથી હુન્ડાઈ આઈ-૧૦ કાર નં.જીજે,૨૭,બીએલ,૭૨૧૧માંથી ભારતીય બનાવટનો વિદેશી દારૂ તથા બિયરની કુલ ૧,૦૮૦ બોટલ-ટીન, કિંમત રૂ. ૨,૬૦,૪૦૦ મળી આવી હતી. પોલીસે દારૂ, કાર અને મોબાઇલ ફોન સહિત કુલ રૂ. ૫,૧૫,૪૦૦નો મુદ્દામાલ કબજે કરી બે આરોપીઓને ઝડપી પાડ્યા હતા.
પકડાયેલા આરોપીઓમાં જીગ્નેશભાઈ સુભાષભાઈ પટેલ (ઉં.વ. ૩૩), રહે. પરિયા, તા. પારડી અને હેમાબેન યોગેશભાઈ મનુભાઈ પટેલ (ઉં.વ. ૩૫), રહે. પરિયા, તા. પારડીનો સમાવેશ થાય છે. દારૂનો જથ્થો ભરી આપનાર ચેતનભાઈ પંકજભાઈ પટેલને વોન્ટેડ જાહેર કરવામાં આવ્યા છે.
આ અંગે વાંસદા પોલીસ સ્ટેશનમાં પ્રોહિબિશન એક્ટ હેઠળ ગુનો નોંધવામાં આવ્યો છે. આગળની તપાસ પોલીસ સબ-ઇન્સ્પેક્ટર એન.બી. આહિર કરી રહ્યા છે.આ કામગીરી પોલીસ ઈન્સ્પેક્ટર જે.વી. ચાવડાના માર્ગદર્શન હેઠળ એન.બી. આહિર સહિત વાંસદા પોલીસ ટીમે કરી હતી.
