ડાંગ જિલ્લામાં ચંદરભાઈ ગાવિત દ્વારા કપડાનું વિતરણ કરાયું:
સેવા, સહકાર અને સંગઠનનો સંદેશ લઈને પંદર ગામોમાં પહોંચ્યા ચંદર ગાંવિતની એકતાની યાત્રા:
શ્રોત: ગ્રામિણ ટુડે ન્યુઝ, 24×7 વેબ પોર્ટલ
ડાંગ જિલ્લામાં ચંદરભાઈ ગાવિત દ્વારા કપડાનું વિતરણ કરાયું:
સેવા, સહકાર અને સંગઠનનો સંદેશ લઈને પંદર ગામોમાં પહોંચ્યા ચંદર ગાંવિતની એકતાની યાત્રા:
પ્રદિપ ગાંગુર્ડે, ડાંગ : ડાંગ જિલ્લામાં આદિવાસી સમાજના જરૂરિયાતમંદ વર્ગની સેવા અને મહિલાઓને મદદરૂપ થતાં એવા ડાંગ જિલ્લા પંચાયતના બાંધકામ સમિતિના ૩(ત્રણ) ટર્મના પૂર્વ અધ્યક્ષ શ્રી ચંદરભાઈ ગાંવિતે દર વર્ષની જેમ આ વર્ષે પણ નવરાત્રીના પાવન પર્વ નિમિત્તે જીલ્લાના અંતરિયાળ ગામોમાં સાડી, ડાંગીસાડી અને ટી શર્ટ વિતરણનો સેવાકીય યજ્ઞનું આયોજન કર્યુ હતુ. 
ઉલેખનીય છે કે, ડાંગ જિલ્લાના જરૂરિયાતમંદ લોકોની હરહંમેશ મદદ અને સેવા કરવામાં આગળ રહેનારા ચંદર ગાવિતે દર વર્ષની જેમ આ વર્ષે પણ પોતાની યથાશક્તિ પ્રમાણે પોતાના સમાજના જરૂરિયાતમંદ લોકોને કપડા વિતરણ થકી મદદ કરી છે. લહાનબરડા, મોટા બરડા, સૂર્યાબરડા, દરાપાડા, ગુંદવહળ, મુરંબી, સુપદહાડ, નડગચોંડ,ઘોડવહળ, મોટા માળુગા, લહાન માળુગા, બોડારમાળ, માનમોડી, કાચંનપાડા અને નિબારપાડા ગામોમાં મહિલાઓને સાડી, વૃદ્ધ મહિલાઓને ડાંગી સાડી અને યુવકોને ટી શર્ટ આપ્યા.
કપડા વિતરણના સમયે મહિલાઓ સાથે આત્મીય સંવાદ સાદતા ચંદર ગાવિતે ગામની એકતા એ જ સારા સમાજનુ નિર્માણનો આઈનો છે. તો બધા એક થઈને રહો એકતામાં જ તાકત છે મારી તમને જરૂરિયાત હોય તો રાતના પણ યાદ કરો. હું તમારી સેવામાં હાજર રહીશ સંકટ આવે કે કોઈ પણ સમસ્યા ઊભી થાય મને યાદ કરો તમારા સુખ હોય કે દુઃખ મે હરહંમેશ ઉભો જ રહીશ તેમ તેમણે જણાવ્યું હતું. લોકોની વચ્ચે જઈને કરવામાં આવેલી આ સેવાકીય પહેલથી લોકોમાં ખુશી જોવા મળી હતી. તમે સવાકીય પ્રવૃતિ કરતા જ રહો તેવા આશીર્વાદ પણ લોકોએ આપ્યા હતા. તેમની સેવાથી લોકોના ચેહેરા પર સ્મિત અને ઉત્સાહનો માહોલ જોવા મળ્યો હતો. આ બાર વર્ષના સેવાકીય યજ્ઞમાં અત્યાર સુધી ચંદર ગાવિત દ્વારા પોતાની યથાશકિત પ્રમાણે એક લાખથી વધુના કપડાઓનું વિતરણ કરી ચૂક્યા છે.
ગામે ગામે યોજાયેલા આ ભગીરથ કાર્યમાં ડાંગ જિલ્લા પંચાયત બાંધકામ સમિતિના વર્તમાન અધ્યક્ષ શ્રીમતી ચંદ્રકલાબેન નગીનભાઈ ગાવિત, વઘઈ તાલુકા પંચાયત ન્યાય સમિતિના અધ્યક્ષ દર્શનાબેન રાજેશભાઈ બહિરમ, માજી સરપંચ ગોવિંદ સૂર્યવંશી, ભારતીય જનતા પાર્ટી ડાંગના મહામંત્રી દિનેશભાઈ ભોયે, મુરંબી ગામના મહિલા આગેવાન સોનીબેન તેમજ સ્થાનિક આગેવાનો, વડીલો, મહિલાઓ તથા મોટી સંખ્યામાં ગ્રામજનો ઉપસ્થિત રહ્યા હતા.
