ગુજરાત વિધાનસભાના નાયબ મુખ્ય દંડક વિજયભાઈ પટેલના અધ્યક્ષતામાં સુબીર સી.એચ.સી ખાતે ‘મેગા હેલ્થ કેમ્પ’ યોજાયો:
શ્રોત: ગ્રામિણ ટુડે ન્યુઝ, 24×7 વેબ પોર્ટલ
ગુજરાત વિધાનસભાના નાયબ મુખ્ય દંડક વિજયભાઈ પટેલના અધ્યક્ષતામાં સુબીર સી.એચ.સી ખાતે ‘મેગા હેલ્થ કેમ્પ’ યોજાયો:
દિનકર બંગાળ, આહવા: ‘સેવા, મેરા યોગદાન’ અભિયાન અંતર્ગત ગુજરાત વિધાનસભાના નાયબ મુખ્ય દંડક વિજયભાઈ પટેલના અધ્યક્ષ સ્થાને સુબીર સી. એચ. સી હોસ્પિટલ ખાતે ડાંગ જિલ્લા આરોગ્ય વિભાગ તેમજ પારમિતા ફાઉન્ડેશન અને સ્વપથ ટ્રસ્ટના સયુંકત ઉપક્રમે મેગા હેલ્થ કેમ્પનું આયોજન કરવામાં આવ્યું હતું. આ પ્રસંગે જનકલ્યાણકારી આરોગ્ય સેવાઓ સહિતની વિવિધ સેવાકીય પ્રવૃત્તિઓ યોજાઈ હતી.
ડાંગ જિલ્લાના તમામ નાગરિકો આરોગ્ય બાબતે સજાગ રહે, સ્વાસ્થ્ય પ્રત્યે કાળજી રાખે અને સમયસર તબીબી સારવાર મેળવે તે જરૂરી છે, તેમ પોતાના પ્રાસંગિક વક્તવ્યમા જણાવી વિજયભાઈ પટેલે આ મેગા હેલ્થ કેમ્પનો બહોળી સંખ્યામાં લાભ લેવા સૌ નાગરિકોને આહવાન કર્યું હતું.
પારામિતા ફાઉન્ડેશન લોકોના હિતાર્થે આરોગ્ય અને શિક્ષણ માટે કાર્ય કરી રહ્યું છે જે આજે ડાંગ જેવા અંતરિયાળ મેગા હેલ્થ થકી ફ્રી હેલ્પ ચેકઅપ તેમજ સારવાર કરશે તેમ ડો. અલ્પેશ પરમારે પોતાના પ્રાસંગિક વક્તવ્યમા જણાવ્યું હતું.
સુબીર સી. એચ. સી ખાતે યોજાયેલ મેગા હેલ્થ કેમ્પમા જનરલ સર્જન, ફિઝિશીયન, ઓપટેલ સર્જન, ગાયનેકોલોજીસ્ટ, પીડિયાટ્રીશીયન, માનસિક રોગ નિષ્ણાંત, ઓર્થોઓએડીક, પીડિયાટ્રીક સર્જન, મેડિકલ ઓફિસરશ્રીઓ, ઇટર્ન ડોક્ટર વગેરે દ્વારા મોટી સંખ્યામા દર્દીઓની સારવાર કરવામાં આવી હતી.
‘સેવા, મેરા યોગદાન’ અભિયાન હેઠળ યોજાયેલી આ વિવિધ આરોગ્યલક્ષી પ્રવૃત્તિઓથી સુબીર વિસ્તારના અનેક નાગરિકોને સીધો આરોગ્યલક્ષી લાભ મળ્યો હતો. આરોગ્ય સેવાઓને લોકો સુધી વધુ સરળતાથી પહોંચાડવા સાથે સેવાભાવના સંદેશને જનજન સુધી પહોંચાડવાનો પ્રયાસ કરવામાં આવ્યો હતો.
કાર્યક્રમમાં જિલ્લા પંચાયત પ્રમુખ રાજેશભાઈ ગામિત, જિલ્લા પંચાયત સદસ્ય દિનેશભાઇ હિલિમ, પારામિતા ફાઉન્ડેશનના પ્રમુખ ડો. અલ્પેશ પરમાર, સેક્રેટરી ડો. અજય પરીખ, ડો. મેહુલ ડાભી, સિનિયર ડોકટરો ડો. દિવ્યેશ, ડો. મહેશ વાઘેલા, ડો. પ્રણય જાદવ, ડો. સંદીપ વાળા તેમજ ડોકટરો અને દર્દીઓ હાજર રહ્યાં હતાં.
