શ્રોત: ગ્રામીણ ટુડે ન્યુઝ, 24×7 વેબ પોર્ટલ
ડાંગની શ્રી મહિલાઓ સંચાલિત મોટામાળુંગા દૂધ ઉત્પાદક સહકારી મંડળીની નોંધણી રદ :
દિનકર બંગાળ, ડાંગ : ડાંગ જિલ્લાના વઘઇ તાલુકાની શ્રી મહિલાઓ સંચાલિત મોટામાળુંગા દૂધ ઉત્પાદક સહકારી મંડળીની નોંધણી રદ કરવામા આવી છે.
ડાંગના મદદનીશ જિલ્લા રજિસ્ટ્રાર શ્રી વી.એન.માવાણી તરફથી મળેલી અખબારી યાદીમા જણાવ્યા અનુસાર, ગુજરાત સહકારી મંડળીઓના કાયદાની કલમ – ૧૪૪ (૨) અન્વયે તેઓને મળેલ સત્તાની રૂએ શ્રી મહિલાઓ સંચાલિત મોટામાળુંગા દૂધ ઉત્પાદક સહકારી મંડળી લી. નોંધણી નંબર – ૩૭૯૪૩, તા.૨૦/૦૨/૨૦૦૭ ની નોંધણી રદ થવા પામી છે.
ડાંગ જિલ્લાની આ દૂધ ઉત્પાદક સહકારી મંડળીને ફડચામા લઈ જવાનો અંતિમ હુકમ, તથા ફડચા અધિકારીના અભિપ્રાય મુજબ ફડચાનુ કામ પૂર્ણ થયેથી, આ મંડળીની નોંધણી રદ્દ કરવામાં આવી છે. જેની સંબંધિતોને નોંધ લેવા જણાવાયુ છે.
