Crime
જામલાપાડા ગામે પાણીની મોટરનો કેબલ ચોરાતાં ખેડૂતને રૂ. ૭,૪૧૦નું નુકસાન, આહવા પોલીસ સ્ટેશનમાં ફરિયાદ નોંધાઈ:
શ્રોત: ગ્રામિણ ટુડે ન્યુઝ, 24×7 વેબ પોર્ટલ
જામલાપાડા ગામે પાણીની મોટરનો કેબલ ચોરાતાં ખેડૂતને રૂ. ૭,૪૧૦નું નુકસાન, આહવા પોલીસ સ્ટેશનમાં ફરિયાદ નોંધાઈ:
દિનકર બંગાળ, આહવા: ડાંગ જિલ્લાના આહવા તાલુકાના જામલાપાડા (ગાઢવી) ગામની ઉપલુ ફળિયું વિસ્તારમાં ખેડૂતની પાણીની મોટરનો આશરે ૬૫ મીટર લાંબો કેબલ ચોરી થયો હોવાની ઘટના સામે આવી છે. ખેડૂત જીતેશભાઈ બુધ્યાભાઈ ગાવીતના જણાવ્યા મુજબ, તા.૧૪ ઓક્ટોબર, ૨૦૨૬ના રોજ વહેલી સવારે મોટર ચાલુ કરવા જતાં પાણી ન આવતાં તપાસ કરી હતી. દરમિયાન મોટરનો વાયર કપાયેલી હાલતમાં જોવા મળ્યો હતો. તપાસ કરતાં આશરે રૂ. ૭,૪૧૦ની કિંમતનો કેબલ ચોરી થયો હોવાનું જાણવા મળ્યું હતું. આ અંગે ખેડૂતે અજાણ્યા ચોર વિરુદ્ધ આહવા પોલીસ મથકે ફરિયાદ નોંધાવી છે. પોલીસે ગુનો નોંધી આગળની તપાસ હાથ ધરી છે.
