ડાંગ જિલ્લામાં “મતદારયાદીના ખાસ સઘન સુધારણા કાર્યક્રમ” અંતર્ગત ખાસ કેમ્પનું આયોજન:
તા.૧૫, ૧૬, ૨૨ અને ૨૩ નવેમ્બર, ૨૦૨૫ના રોજ ખાસ કેમ્પ યોજાશે:
શ્રોત: ગ્રામીણ ટુડે ન્યુઝ, 24×7 વેબ પોર્ટલ
ડાંગ જિલ્લામાં “મતદારયાદીના ખાસ સઘન સુધારણા કાર્યક્રમ” અંતર્ગત ખાસ કેમ્પનું આયોજન:
તા.૧૫, ૧૬, ૨૨ અને ૨૩ નવેમ્બર, ૨૦૨૫ના રોજ ખાસ કેમ્પ યોજાશે:
મતદારો BLOનો ફોનથી સંપર્ક કરવા માટે voters.eci.gov.in પરથી “Book a Call with BLO” વિકલ્પનો ઉપયોગ કરી શકશે:
પ્રદિપ ગાંગુર્ડે, સાપુતારા : ભારતના ચૂંટણી પંચ, નવી દિલ્હી દ્વારા ગુજરાત રાજ્યમાં તા.૦૧.૦૧.૨૦૨૬ની લાયકાતની તારીખના સંદર્ભમાં મતદારયાદીનો ખાસ સઘન સુધારણા કાર્યક્રમ જાહેર કરવામાં આવેલ છે. જે કાર્યક્રમ અંતર્ગત તા.૦૪/૧૧/૨૦૨૫ થી તા.૦૪/૧૨/૨૦૨૫ સુધીનો સમયગાળો ગણતરીનો તબક્કો (Enumeration Phase) નક્કી કરવામાં આવેલ છે. જે અંતર્ગત ડાંગ જિલ્લામાં તમામ મતદાન મથકોએ તા. ૧૫, ૧૬, ૨૨ અને ૨૩ નવેમ્બર, ૨૦૨૫ના રોજ ખાસ કેમ્પનું આયોજન કરવામાં આવેલ છે. આ દિવસોએ સવારે ૦૯-૦૦ થી બપોરે ૦૧-૦૦ કલાક સુધી બુથ લેવલ અધિકારીઓ (BLO) તેઓના મતદાન મથકો ખાતે હાજર રહેશે. આ સમય દરમિયાન બાકી રહેલા મતદારો BLOની મદદથી મેપિંગ/લિન્કિંગ કરાવી શકશે. તેમજ જે મતદારોનું નામ અથવા તેમના માતા-પિતા/દાદા-દાદીનું નામ વર્ષ ૨૦૦૨ની મતદારયાદીમાં ના હોય, તેવા કિસ્સામાં કયા પુરાવા રજુ કરવા તે અંગે BLO દ્વારા યોગ્ય માર્ગદર્શન આપવામાં આવશે. વધુમાં, મતદારો BLOનો ફોનથી સંપર્ક કરવા માટે voters.eci.gov.in પરથી “Book a Call with BLO” વિકલ્પનો ઉપયોગ કરી શકશે.
