ગંગપુરની શ્રીયમ એમ. પી. કાપડિયા વિદ્યામંદિરમાં નવરાત્રી મહોત્સવની ભક્તિભાવપૂર્વક ઉજવણી:

0 3 1 minute read

શ્રોત: ગ્રામિણ ટુડે ન્યુઝ, 24×7 વેબ પોર્ટલ

કમલેશ ગાંવિત, વાંસદા: ભારત સેવાશ્રમ સંઘ, ગંગપુર સંચાલિત શ્રીયમ એમ. પી. કાપડિયા વિદ્યામંદિર, ગંગપુર ખાતે નવરાત્રી મહોત્સવની ઉત્સાહભેર અને ભક્તિમય વાતાવરણમાં ઉજવણી કરવામાં આવી હતી. આ પ્રસંગે શાળાના વિદ્યાર્થીઓ, શિક્ષકો અને શાળા પરિવારના સભ્યોએ માતાજીની આરાધના સાથે ગરબાની રમઝટ બોલાવી હતી.

કાર્યક્રમની શરૂઆત માં અંબેની ભક્તિભાવપૂર્વક પૂજા-અર્ચના અને આરતી સાથે કરવામાં આવી હતી. ત્યારબાદ શાળાના વિદ્યાર્થીઓને ગરબા રમવા માટે આમંત્રિત કરવામાં આવ્યા હતા. શાળાના તમામ વિદ્યાર્થીઓ, વિદ્યાર્થીનીઓ તેમજ નાના બાળકોએ ડી.જે.ના તાલે ગરબે ઘૂમી નવરાત્રી પર્વની ઉજવણી કરી હતી. બાળકોની સાથે શાળાના શિક્ષકગણ અને સ્ટાફના સભ્યોએ પણ માતાજીના ચોકમાં ગરબાની રમઝટ બોલાવી હતી.

આ પ્રસંગે બાળકોએ વિવિધ આકર્ષક વેશભૂષા ધારણ કરી કાર્યક્રમની શોભામાં વધારો કર્યો હતો. બાળકોમાં ઉત્સાહ અને આનંદનો માહોલ જોવા મળ્યો હતો. કાર્યક્રમના અંતે શાળા પરિવાર તરફથી તમામ બાળકો માટે નાસ્તાની વ્યવસ્થા કરવામાં આવી હતી.

આ શુભ અવસરે સંસ્થાના મંત્રી સ્વામીશ્રી વિશ્વારૂપાનંદ મહારાજે ટેલિફોન દ્વારા શુભેચ્છાઓ પાઠવી હતી. તેમજ સંસ્થાના પ્રોજેક્ટ ડાયરેક્ટર શ્રી નિમીશ વ્યાસે પણ ટેલિફોન દ્વારા શુભકામનાઓ પાઠવી હતી.

આ કાર્યક્રમમાં શાળાના આચાર્ય શ્રી મણીલાલભાઈ પટેલ, પ્રાથમિક શાળાના આચાર્ય શ્રી હિમ્મત ચૌહાણ, સંસ્થાના શ્રી કિશોરભાઈ પટેલ, શ્રી ભાવેશભાઈ પટેલ, શ્રી રાજુભાઈ અને શ્રી આનંદભાઈ ઉપસ્થિત રહ્યા હતા.

નવરાત્રી મહોત્સવને સફળ બનાવવા શાળાના શિક્ષકો શ્રી ટ્વિંકલભાઈ, શ્રી બિપીનભાઈ તેમજ શાળા પરિવારની બહેનોએ વિશેષ મહેનત કરી હતી. સૌના સહિયારા પ્રયાસોથી કાર્યક્રમ આનંદમય અને સફળ રહ્યો હતો.