શ્રોત: ગ્રામીણ ટુડે ન્યુઝ, 24×7 વેબ પોર્ટલ
ડાંગ જીલ્લાની ગ્રામ પંચાયતોમા સ્વતંત્રતા દિને ‘ખાસ ગ્રામસભા’ યોજાશે:
પ્રદિપ ગાંગુર્ડે, સાપુતારા : સ્વતંત્રતા દિવસ નિમિત્તે તા.૧૫ મી ઓગસ્ટના રોજ ડાંગ જિલ્લાની તમામે તમામ ગ્રામ પંચાયતોમા ‘ખાસ ગ્રામસભા’ નુ આયોજન કરવામાં આવનાર છે. સ્વતંત્રતા દિવસે માત્ર રાષ્ટ્રીય ઉજવણી જ નહીં, પરંતુ સ્વચ્છ ઉર્જાની સુલભતા, ટકાઉપણુ અને સમુચિત વિકાસ જેવા મહત્વપૂર્ણ વિષયો પર સમુદાયોને એકત્ર કરવાની તક પણ છે. જેથી રાજ્યના પંચાયત વિભાગ, ઉર્જા, ગ્રામીણ વિકાસ યોજનાઓ વિગેરેનો યોગ્ય સ્તરે વ્યાપક પ્રચાર પ્રસારના ઉદ્દેશ્ય સાથે આ ‘ખાસ ગ્રામસભા’ યોજાનાર છે.
ગ્રામસભામાં ચર્ચામા લેવાતા ગામ લગત પ્રશ્નો સાથે ગ્રામ્ય કક્ષાએ ખાસ કરીને યુવાનોમાં ટ્રાફિકને લાગતી સંવેદના ઊભી કરવા ગ્રામસભામાં એજન્ડા તરીકે “માર્ગ સલામતી અને ટ્રાફિક જાગૃતિ થકી ગ્રામ્ય સુરક્ષા” ના મુદ્દાની ચર્ચા સાથે સામૂહિક પ્રતિજ્ઞા વાંચન પણ સુનિશ્ચિત કરાશે, તેમ જિલ્લા વિકાસ અધિકારી શ્રી કે.એસ.વસાવાની એક અખબારી યાદીમા જણાવાયુ છે.
