પીએમ શ્રી થવા બ્રાન્ચ પ્રાથમિક શાળાના વિદ્યાર્થીનું CETમાં ઉત્કૃષ્ટ દેખાવ બદલ સન્માન:
શ્રોત: ગ્રામિણ ટુડે ન્યુઝ, 24×7 વેબ પોર્ટલ
પીએમ શ્રી થવા બ્રાન્ચ પ્રાથમિક શાળાના વિદ્યાર્થીનું CETમાં ઉત્કૃષ્ટ દેખાવ બદલ સન્માન:
સર્જન વસાવા, ડેડિયાપાડા: નેત્રંગ તાલુકા કક્ષાના 80મા સ્વાતંત્ર્ય દિનની ઉજવણી પ્રસંગે પીએમ શ્રી થવા બ્રાન્ચ પ્રાથમિક શાળાના વિદ્યાર્થી વસાવા આયુષકુમાર પ્રકાશભાઈનું CET પરીક્ષામાં ઉત્કૃષ્ટ દેખાવ બદલ સન્માન કરવામાં આવ્યું હતું.
નેત્રંગ તાલુકા કક્ષાના સ્વાતંત્ર્ય દિન સમારોહ દરમિયાન આયુષકુમાર વસાવાએ CET પરીક્ષામાં નોંધપાત્ર પ્રદર્શન કરી શાળા તથા પરિવારનું ગૌરવ વધાર્યું તે બદલ મામલતદારશ્રીના હસ્તે તેમને પ્રમાણપત્ર અર્પણ કરી સન્માનિત કરવામાં આવ્યા હતા.
આ પ્રસંગે શાળા પરિવાર, શિક્ષકો અને ઉપસ્થિત મહાનુભાવોએ આયુષકુમારને અભિનંદન પાઠવી તેમના ઉજ્જવળ ભવિષ્ય માટે શુભેચ્છાઓ પાઠવી હતી. વિદ્યાર્થીની આ સિદ્ધિ અન્ય વિદ્યાર્થીઓ માટે પણ પ્રેરણારૂપ બની છે.
આયુષકુમારની સફળતાથી પીએમ શ્રી થવા બ્રાન્ચ પ્રાથમિક શાળાનું નામ પણ ગૌરવભેર ઉજાગર થયું છે.
