શ્રોત: ગ્રામિણ ટુડે ન્યુઝ, 24×7 વેબ પોર્ટલ
ડાંગના કાકરદા ગામના મૃતકના વારસદારને રૂ. ૪ લાખની સહાયનો ચેક અર્પણ:
પ્રદિપ ગાંગુર્ડે, સાપુતારા : ડાંગ જિલ્લાના વઘઇ તાલુકા પંચાયતમાં સમાવિષ્ટ કાકરદા ગામના વતની શ્રી રમેશભાઈ વળવી, જે ગત દિવસોમાં વરસેલાં ભારે વરસાદના કારણે પુર્ણા નદીના પ્રવાહમાં તણાઇ ગયાં હતાં. જે વ્યક્તિની લાશ તાપી જિલ્લાના ડોલવણ તાલુકામાં મળી આવી હતી. જેથી ડોલવણ તાલુકા વિકાસ અધિકારીશ્રી દ્વારા જરૂરી કાર્યવાહી કરી મૃતકના વારસદાર ને ચેક સહાય આપવામાં આવી હતી.
આજરોજ ગુજરાત વિધાનસભા નાયબ મુખ્ય દંડક શ્રી વિજયભાઇ પટેલ તેમજ વ્યારાના ધારાસભ્ય શ્રી મોહનભાઇ કોંકણી દ્વારા મૃતક પરિવારને મળીને સાંત્વના આપી હતી. તેમજ મૃતક ના વારસદાર શ્રીમતી સરતાબેન રમેશભાઈ વળવીને સરકારશ્રીના કુદરતી આફતના ધારા ધોરણ મુજબ રૂા.૪,૦૦,૦૦૦/-ની સહાયનો ચેક વિતરણ કર્યો હતો.
આ પ્રસંગે વઘઇ તાલુકા પંચાયત પ્રમુખ શ્રી ચંદરભાઇ ગાવિત, ગામના સંરપર શ્રીમતી કલ્પનાબેન, કાલીબેલ આર.એફ.ઓ શ્રી એસ.કે.કોંકણી સહિત ગામના આગેવાનો ઉપસ્થિત રહ્યાં હતાં.
