આહવા ખાતે કોંગ્રેસ દ્વારા “જન આક્રોશ” સભાની તૈયારીઓ માટે મળી બેઠક :

શ્રોત: ગ્રામીણ ટુડે ન્યુઝ, 24×7 વેબ પોર્ટલ

આહવા ખાતે કોંગ્રેસ દ્વારા “જન આક્રોશ” સભાની તૈયારીઓ માટે મળી બેઠક :

આગામી ૧૬ તારીખ  “જન આક્રોશ” સભા રંગઉપવન ખાતે યોજાશે :

પ્રદિપ ગાંગુર્ડે, સાપુતારા: ડાંગ કોંગ્રેસ દ્રારા આગામી સમયમાં યોજાનાર “જન આક્રોશ” સભા અંગેની તૈયારીઓ માટેની આજરોજ ડાંગ જિલ્લાના આહવા ખાતે કોગ્રેસના કાર્યાલય ખાતે એક મહત્વ પુર્ણ બેઠક મળી હતી.

ગુજરાત વિધાનસભાના વિપક્ષના નેતા શ્રી તુષાર ચૌધરી અને ગુજરાત કોંગ્રેસ પ્રદેશ પ્રમુખ અમિતભાઈ ચાવડા અને વાંસદાના ધારાસભ્ય અનંતભાઈ પટેલ અને વલસાડ-ડાંગના માજી સાંસદ કિશનભાઇ પટેલની વિશેષ ઉપસ્થિતિમાં ડાંગ જિલ્લા કોંગ્રેસ સમિતિ દ્વારા આયોજિત આગામી “જન આક્રોશ” સભાની તૈયારીઓને આખરી ઓપ આપવા માટે આહવા સ્થિત કોંગ્રેસ કાર્યાલય ખાતે એક મહત્વપૂર્ણ મિટિંગનું આયોજન કરવામાં આવ્યું હતું. ડાંગ જિલ્લાના વિવિધ મુદ્દાઓ અને જનતાની સમસ્યાઓને વાચા આપવા માટે યોજાનારી આ “જન આક્રોશ” સભા તારીખ ૧૬/૧૦/૨૦૨૫ ના રોજ રંગ ઉપવન ખાતે યોજાવા જઈ રહી છે.

આ બેઠકમાં જિલ્લા કોંગ્રેસ સમિતિના પ્રમુખ, ડાંગ જિલ્લા કોંગ્રેસ સમિતિના માજી પ્રમુખશ્રી, મહામંત્રીઓ, ફ્રન્ટલ સેલના પ્રમુખશ્રી, ડાંગ જિલ્લા કોંગ્રેસ મહિલા સમિતિના પ્રમુખ, તાલુકા પ્રમુખો તેમજ સંગઠનના અગ્રણી કાર્યકરો મોટી સંખ્યામાં હાજર રહ્યા હતા.

કાર્યકર્તાઓને “જન આક્રોશ” સભાને સફળ બનાવવા માટે વિવિધ જવાબદારીઓ સોંપવામાં આવી હતી. અને જિલ્લા સ્તરે વધુમાં વધુ લોકોને સભામાં જોડાઈને જનતાના અવાજને બુલંદ કરવા માટે આહ્વાન કરવામાં આવ્યું હતું. શ્રી તુષાર ચૌધરી સાહેબ અને ગુજરાત કોંગ્રેસ પ્રદેશ પ્રમુખ અમિતભાઈ ચાવડા અને વાંસદાના ધારાસભ્ય અનંતભાઈ પટેલ અને વલસાડ -ડાંગના માજી સાંસદ કિશનભાઇ પટેલની હાજરીમાં યોજાનારી આ સભામાં સ્થાનિક સમસ્યાઓ જેવા કે આદિવાસીઓના અધિકારો, શિક્ષણ, આરોગ્ય અને વિકાસના પ્રશ્નો પર ધ્યાન કેન્દ્રિત કરવામાં આવશે.