આહવા એકલવ્ય મોડેલ રેસિડેન્શિયલ સ્કૂલના વિદ્યાર્થીઓ બાસ્કેટ બોલની રમતમાં ઝળક્યા :

શ્રોત: ગ્રામીણ ટુડે ન્યુઝ, 24×7 વેબ પોર્ટલ

આહવા એકલવ્ય મોડેલ રેસિડેન્શિયલ સ્કૂલના વિદ્યાર્થીઓ બાસ્કેટ બોલની રમતમાં ઝળક્યા :

પ્રદિપ ગાંગુર્ડે, સાપુતારા : ડાંગ જિલ્લાના મુખ્ય મથક આહવા સ્થિત આદિજાતિ વિકાસ વિભાગ (ગુજરાત સરકાર) સંચાલિત, ગુજરાત સ્ટેટ ટ્રાયબલ એજ્યુકેશન સોસાયટી, ગાંધીનગર અંતર્ગત જ્ઞાન ધામ વાપી ચેરિટેબલ ટ્રસ્ટ, વાપી સંચાલિત પીએમશ્રી એકલવ્ય મોડેલ રેસિડેન્શિયલ સ્કૂલ, આહવા – ડાંગના વિદ્યાર્થીઓ તથા વિદ્યાર્થીનીઓની રાજ્ય કક્ષાની ચોથી એકલવ્ય સ્પોર્ટ્સ મીટ-૨૦૨૫ બાસ્કેટબોલ રમત વ્યારા સ્પોર્ટ્સ કોમ્પલેક્ષ ખાતે ભાગ લીધો હતો.

જેમાં, ખેલાડીઓએ ઉત્કૃષ્ટ દેખાવ સાથે રાજ્ય કક્ષાએ પ્રથમ સ્થાન મેળવેલ છે. ઉત્કૃષ્ટ દેખાવ સાથે ખેલાડીઓએ રાજ્ય સ્તર સુધી પહોંચીને વિજેતા બનવાની સિદ્ધિ હાંસલ કરી છે.

જિલ્લા કક્ષાએ વિજેતા બનેલા ખેલાડીઓએ મહેનત, શિસ્ત અને ખેલકૂદ પ્રત્યેની લાગણીને કારણે રાજ્ય કક્ષાએ પણ સફળતા મેળવી છે. જેઓ આગામી તારીખ ૧૦ નવેમ્બર ૨૦૨૫ થી ૧૫ નવેમ્બર ૨૦૨૫ના રોજ સુંદરગઢ-ઓડિશા ખાતે રાષ્ટ્રીય કક્ષાની ચોથી એકલવ્ય સ્પોર્ટ્સ મીટ-૨૦૨૫માં શાળાના બાસ્કેટ બોલ રમતના વ્યાયામ શિક્ષક શ્રી વિશાલભાઈ બી. કોકણી અને શ્રી પ્રફુલભાઈ એમ. ચવધરીના માર્ગદર્શન હેઠળ બન્ને ટીમો ભાગ લેવા જશે.

પીએમશ્રી એકલવ્ય મોડેલ રેસિડેન્શિયલ સ્કૂલ, આહવાના વિદ્યાર્થીઓ દ્વારા રાજ્ય સ્તર સુધી પહોંચીને સિધ્ધિ હાંસલ કરવા બદલ શાળાના આચાર્યાશ્રી સોનલ આર. મેકવાને તેમજ શાળા સંચાલક મંડળના ટસ્ટ્રીશ્રીઓ દ્વારા શુભેચછાઓ પાઠવી હતી.