શ્રોત: ગ્રામીણ ટુડે ન્યુઝ, 24×7 વેબ પોર્ટલ
સાપુતારા ખાતે સ્ટાર હોલીડે હોમ હોટલના માલિકના પિતા સાથે થયો સાયબર ફ્રોડ:
પ્રદિપ ગાંગુર્ડે, સાપુતારા : સાપુતારાની સ્ટાર હોલીડે હોમ હોટલના માલિકના પિતાના ફોન પે માંથી સાયબર ફ્રોડે કુલ ૩૮,૨૪૦ રૂપિયા ટ્રાન્સફર કર્યા હોવાની ફરિયાદ સાપુતારા પોલીસ મથકે નોંધાઈ છે.
મળતી માહિતી મુજબ, ડાંગ જિલ્લાના સાપુતારા ખાતે રહેતા ચિરાગભાઈ મહેન્દ્રભાઈ દેશપાંડે જેઓની સ્ટાર હોલીડે હોમ નામની હોટલ દ્રારા પોતાનું તથા પોતાના પરિવારનું ગુજરાન ચલાવે છે. તા.૩૦/૦૫/૨૦૨૫ ના રોજે ચિરાગભાઈ અને તેમના પિતા હોટલ પર હાજર હતા. જ્યારે પુત્રએ પિતાનો મોબાઈલ ચેક કરતા ફોન પે માં જોતા અલગ અલગ ટ્રાન્જેક્શન થયાનું જાણવા મળ્યું હતું. જે બાબતે બેંકમાં જઈ સ્ટેટમેન્ટ કાઢ્યું હતું. જે જોતા અલગ અલગ કુલ ૧૫ જેટલા ટ્રાજેકસન થયાનુ જણાયું હતું. આમ કુલ ૩૮,૨૪૦ રૂપિયા કોઈ અજાણ્યા ઈસમે ટ્રાન્સફર કર્યા હોવાનું જણાતા સાયબર હેલ્પલાઇન ૧૯૩૦ પર કોલ કરી ફરિયાદ કરવામાં આવી હતી. જે સમગ્ર મામલે થયેલ છેતરપિંડી બાબતે સાપુતારા પોલીસ મથકે અજાણ્યા શખ્સ વિરુદ્ધ યુવકે ફરિયાદ નોંધાવી છે. સાપુતારા પોલીસ સ્ટેશનના પોલીસ ઈન્સપેક્ટર આર.એસ.પટેલે ગુન્હો નોંધી આગળની તપાસ હાથ ધરી છે.
