લો.! બોલો..! સોનુનિયા આહવા એસટી બસની ચાલુ ગાડીએ એક્સેલ તુટી:

શ્રોત: ગ્રામીણ ટુડે ન્યુઝ, 24×7 વેબ પોર્ટલ

લો.! બોલો..! સોનુનિયા આહવા એસટી બસની ચાલુ ગાડીએ એક્સેલ તુટી:

બસ ૧૫ મીટર ઢસડાઈને સંરક્ષણ દિવાલ સાથે અથડાઈને અટકી: મુસાફરોનો આબાદ બચાવ

દિનકર બંગાળ, વઘઈ : ગુજરાત રાજ્ય માર્ગ પરિવહન નિગમ દ્વારા સંચાલિત વલસાડ વિભાગનો આહવા બસ ડેપોની સવારે સોનુનિયાથી આહવા જવા નીકળેલી બસમાં અજીબોગરીબ ઘટના બનવા પામી હતી. બસ જોગબારીનો ઘાટ ચડી અને ઉતરતી વખતે બસનો ડ્રાઈવર પાસેનો ટાયર ચાલું બસે એક્સેલ તુટી જવા પામી હતી. અને સવાર સવારમાં બસમાં મુસાફરી કરતા તમામ મુસાફરોની ચિચિયારીઓથી આખી બસ ગુંજી ઉઠી હતી.અને ભયનો માહોલ ઉભો થવા પામ્યો હતો.

મળતી માહિતી મુજબ સવારમાં સોનુનિયાથી આહવા (GJ-18-Z-2925 ) જવા નીકળેલી બસનો અચાનક એક્સેલ તૂટી જતાં બસનાં ચાલકના સુઝબુઝના કારણે મોટી દુર્ઘટના બનતા અટકી હતી. આહવા બસ ડેપોના મેનેજર દિવસેને દિવસે બસની સારી સુવિધા પૂરી પાડવામાં નિષ્ફળ જઈ રહ્યા છે તેવી ચર્ચાઓએ દુર્ઘટના બનતા વેગ પકડ્યો છે. “હાથ ઊંચો કરો અને બસમાં બેસો” , એસટી અમારી સલામત સવારી જેવા GSRTC ના સ્લોગનને ડાંગ જિલ્લામાં ડેપો મેનેજર તાર તાર કરતો હોય તેમ લાગી રહ્યું છે.

ડાંગ જિલ્લામાં પરિવહનની સુવિધાના નામે આહવા બસ ડેપોના મેનેજર મુસાફરોની સુવિધાના નામે મોતનો ખિલવાડ કરી રહ્યો છે. ડાંગ જિલ્લાના પરિવહનના ઈતિહાસમાં સોનુનીયા આહવા એસ.ટી. બસ બ્રેકડાઉન થવાના તમામ રેકોર્ડ તોડ્યા હોવાનું જાણવા મળ્યું છે. થોડા દિવસો ન થાય તો બસ રસ્તે બ્રેકડાઉન થતી જોવા મળશે જ. અને રસ્તાઓમાં વિદ્યાર્થીઓ, મુસાફરો રઝળપાટ કરતા જોવા મળતા હોય. છતાં આહવા બસ ડેપો મેનેજર દ્વારા બસની ગુણવત્તા ઉપર કોઈ પણ પ્રકારની કામગીરી કરવામાં આવતી નથી. સારી બસની સુવિધાના નામે મુસાફરો જોડે અન્યાય જિલ્લામાં થઈ રહ્યો છે તેવો પોકાર ઉઠવા પામ્યો છે.

સોનુનીયા આહવા બસ વારંવાર બ્રેકડાઉન થવાના અહેવાલો છાપામાં પ્રસિદ્ધ થતા હોય છતાં ડેપો મેનેજર દ્વારા બસનો કોઈપણ જાતનો મેન્ટેનન્સ કરવામાં આવતો નથી. અને આજે મોટી દુર્ઘટના બનતા ટળી છે. આવનાર દિવસોમાં આહવા ડેપોના મેનેજર, મેન્ટેનન્સ કરતો સ્ટાફ પર વહીવટીતંત્ર દ્વારા કાયદેસરના પગલાં ન ભરે તો ડાંગ જિલ્લાના મુસાફરોનો મોતનું કારણ બનશે, હવે જોવું રહ્યું કે મુસાફરોની સુવિધા માટે કેવા પગલાં ભરવામાં આવશે.