ડાંગ જિલ્લામાં આગામી બોર્ડ પરીક્ષાને અનુલક્ષી શિક્ષકો માટે પરીક્ષાલક્ષી સેમિનાર યોજાયો:

શ્રોત: ગ્રામીણ ટુડે ન્યુઝ 24×7 વેબ પોર્ટલ

ડાંગ જિલ્લામાં આગામી બોર્ડ પરીક્ષાને અનુલક્ષી શિક્ષકો માટે પરીક્ષાલક્ષી સેમિનાર યોજાયો :

જિલ્લા કલેક્ટર મહેશ પટેલે શિક્ષકોને ઉપયોગી માર્ગદર્શન આપ્યું :

પ્રદિપ ગાંગુર્ડે, સાપુતારા : આગામી બોર્ડ પરીક્ષાને અનુલક્ષી ડાંગ જિલ્લાના શિક્ષકો માટે જિલ્લા શિક્ષણ અને તાલીમ ભવન વઘઈ દ્વારા સરકારી માધ્યમિક અને ઉચ્ચતર માધ્યમિક શાળા ખાતે જિલ્લા કલેક્ટર શ્રી મહેશ પટેલે ઉપસ્થિત પરીક્ષાલક્ષી માર્ગદર્શન સેમિનાર યોજાયો હતો.

આ સેમિનારમાં ડાંગ જિલ્લાના માધ્યમિક અને ઉચ્ચતર માધ્યમિક શાળાના તમામ આચાર્યશ્રીઓ અને શિક્ષકોશ્રીને આગામી ધોરણ ૧૦અને ૧૨ ના બોર્ડની પરીક્ષાને અનુલક્ષીને પરીક્ષાલક્ષી માર્ગદર્શન અને દરેક વિષયના પેપર સ્ટાઇલ બાબતે ચર્ચા વિચારણા કરી શિક્ષકોને માર્ગદર્શન આપવામાં આવ્યું હતું.

ડાંગ જિલ્લા કલેક્ટર શ્રી મહેશ પટેલે બોર્ડ પરીક્ષા અંગે ચર્ચા કરી ઉપસ્થિત શિક્ષકોને પ્રેરણાદાયક માર્ગદર્શન આપ્યું હતું. સાથે જ ગત વર્ષે ૧૦૦ ટકા પરિણામ મેળવનાર શાળા અને શિક્ષકોને પ્રમાણપત્ર આપી પ્રોત્સાહિત કર્યા હતાં.

વલસાડના મોટીવેશનલ સ્પીકર શ્રી ભાવિન દેસાઈએ શિક્ષકોની એકાગ્રતા વધારવા માઈન્ડ ગેમ વિશે જણાવ્યું હતું.

આ કાર્યક્રમમાં જિલ્લા શિક્ષણાધિકારી શ્રી જે.એન.ત્રિવેદી, પ્રાથમિક શિક્ષણ અધિકારી શ્રી વી.ડી.દેશમુખ, સરકારી માધ્યમિક શાળાના આચાર્યા શ્રી અમરસિંહ ગાંગુર્ડા સહિતના શિક્ષણ વિભાગના અધિકારીશ્રીઓ તેમજ મોટી સંખ્યામાં શિક્ષકો ઉપસ્થિત રહ્યા હતાં.