જામલાપાડા ગામે પાણીની મોટરનો કેબલ ચોરતા ખેડૂતને રૂ.૭,૪૧૦ નું નુકશાન, આહવા પોલીસ સ્ટેશનમાં ફરિયાદ નોંધાઈ:
શ્રોત: ગ્રામિણ ટુડે ન્યુઝ, 24×7 વેબ પોર્ટલ
જામલાપાડા ગામે પાણીની મોટરનો કેબલ ચોરતા ખેડૂતને રૂ.૭,૪૧૦ નું નુકશાન, આહવા પોલીસ સ્ટેશનમાં ફરિયાદ નોંધાઈ:
દિનકર બંગાળ, આહવા: ડાંગ જિલ્લાના આહવા તાલુકાના જામલાપાડા (ગાઢવી) ગામની ઉપલું ફળિયા વિસ્તારમાં પાણીની મોટરનો આશરે ૬૫ મીટર લાંબો કેબલ અજાણ્યા ચોર ઈસમો ચોરી કરી લઈ ગયા હોવાની ઘટના સામે આવી છે. આ અંગે જામલાપાડા ખાતે રહેતા ૩૨ વર્ષીય જીતેશભાઈ બુધ્યાભાઈ ગાવીતે ફરિયાદ નોંધાવી છે.
ફરિયાદ મુજબ, તા.૧૪ ઓક્ટોબર ૨૦૨૬ના રોજ વહેલી સવારે પાંચ વાગ્યે મોટરનું સ્ટાર્ટર ચાલુ કરતાં પાઇપમાં પાણી ન આવતાં તેમણે વાયર તપાસ્યો હતો. આ દરમિયાન જાહેર રસ્તા પાસે મોટરનો વાયર કપાયેલી હાલતમાં જોવા મળ્યો હતો. ત્યારબાદ ચેકડેમમાં મૂકેલી મોટરનો આશરે ૬૫ મીટર લાંબો કેબલ ગાયબ હોવાનું જણાયું હતું.
જીતેશભાઈએ ગામમાં તથા આસપાસના લોકોને પૂછપરછ કરી હતી, પરંતુ કેબલ અંગે કોઈ માહિતી મળી નહોતી. ફરિયાદમાં જણાવ્યા મુજબ, ૨.૫ SQMM FLATE ALCOCAB ISI પ્રકારનો આશરે ૬૫ મીટર લાંબો કેબલ, જેની કિંમત રૂ.૭,૪૧૦ થાય છે, કોઈ અજાણ્યો ચોર ચોરી કરીને લઈ ગયો છે. આ બનાવ અંગે તેમણે અજાણ્યા ચોર વિરુદ્ધ આહવા પોલીસ મથકે ફરિયાદ નોંધાવી છે. પોલીસે ગુનો નોંધી આગળની તપાસ હાથ ધરી છે.
